Google merca Youtube

De Cántabru-Estremeñu

12 Outuvri, 2006

El buscaor líder d'Internet Google iju el lunis que alcuerdó mercar el sitiu de vídeus n'Internet YouTube por 1.650 millonis de dólaris n'aicionis.

L'alcuerdu, el primeru que valora un sitiu d'Internet nueu cun caltiníu elaboráu pulos usuarius en más de 1.000 millonis de dólaris, combina dos de las marcas más popularis d'Internet: Google, sinónimu de rápida innovación ena redi, y YouTube, una iniciativa que creció rápidamenti jasta cunvertissi en líder nel mercau de vídeus n'Internet.

YouTube jue ojetu d'especulacionis d'adquisición duranti gran parti d'esti añu. Los potencialis compraoris incluyían a rivalis de Google n'Internet cumu Yahoo, assina cumu empresas de medius cumu News Corp, propietariu de MySpace.com, y Viacom, dueñu de MTV.